Ljósablaðið 2026 er fullt af samtölum, frásögnum, myndum og fróðleik eins og alltaf.
Í ár var mikið um að vera í Ljósinu, við fórum í samstarf við Hlín Reykdal sem hannaði fallegt skart í samstarfi við Ljósið sem fjáröflun. Við slógum met í fjáröflun í Reykjavíkur maraþoninu, fluttum frá Langholtsvegi 43 í Gylfaflöt 5 og héldum áfram að bjóða upp á faglega þjónustu fyrir alla ljósberana okkar.
Við tókum tal af útskrifuðum ljósberum og núverandi ljósberum sem deildu með okkur sögum sínum og upplifun af því að greinast með krabbamein og endurhæfingunni sem þau hafa þegið í Ljósinu.
Að vanda setja fagaðilar Ljóssins mark sitt á blaðið en starfsmenn Ljóssins eru duglegir að viðhalda þekkingu sinni og bjóða upp á ný námskeið og fræða okkur hér um hin ýmsu málefni tengd endurhæfingu.
Við fáum líka að heyra frá læknum á Landspítalanum sem ræða um mikilvægi Ljóssins fyrir krabbameinsgreinda og nýja krabbameinsmiðstöð sem stendur til að opna á næstu misserum.
Við þökkum kærlega öllum þeim sem lögðu hönd á plóg við vinnslu blaðsins.
Við vonum að þið njótið Ljósablaðsins í ár.
